ننجان (ننه جان)- کولایی

صدا کنده زنگ و تال مه جان یار درشونه کوه
دل بزو دنگ وسفال مه جان یار. درشونه کوه

ناخشی  بیته  مه  دل له  لرز و تو  بیته  مره
مه  زوون  بییه  لال مه جان یار درشونه کوه

چتی  طاقت بیارم  غرصه مه دل له  کش بزو
خشی آ بورده  گوال مه جان یار درشونه کوه

مه نفس گل به گل و مه دسو لینگ نشونه کار
تن و پ  دارمه شتال مه جان یار درشونه  کوه

ملک میت  بمو  در  کندا   یاواش یاواش  خانه
دونده  مه کت و بال  مه جان یار  درشونه کوه

پینمه  شل  بیی یو  مه  تن نه  خونش  دکته
دیم رنگ  بی یه ذغال  مه جان یار درشونه کوه

چلچلا  خور بور  وره  باهو.  در. نشونه
دل جم ته دیم خال مه جان یار در شونه کوه

اتا جان  دی یه مره ، فدای وه بی یه ،دیگه
پلی بی یه ماه وسال مه جان یاردرشونه کوه

باهورین خدا ونه پشت و پناه بوشه همش
مره هاکنه حلال مه جان یار در شونه کوه

شعر: کولایی